На неколку километри од Охрид се наоѓа неактивен вулкан до кој стигнуваме возејќи се низ живописна природа. Попатно ја посетуваме старовремската пералница, Валавица, каде се пери со изворска вода. Потоа продолжуваме кон планинско село кое се наоѓа на 1500 метри надморска висина, во кое останале да живеат само уште неколку старци и овчари. Таму, во традиционален македонски ресторан ќе ја вкусиме традиционалната македонска храна подготвена од веќе пензиониран, надалеку познат мајстор. После ручекот се враќаме во Охрид.